Yfirlýsing vegna fréttar um fjársvik

Vegna fréttar Ríkisútvarpsins um fjársvik á hjúkrunarheimilinu Grenilundi, vilja forsvarsmenn þess koma eftirfarandi á framfæri;

Þegar málið kom upp lét viðkomandi starfsmaður af störfum þegar í stað. Af hálfu heimilisins var málið strax tekið föstum tökum í samráði við lögmann sveitarfélagsins. Viðkomandi heimilismaður og aðstandendur hans voru jafnframt upplýstir um atvik málsins.

Einnig voru verkferlar og öryggisreglur á heimilinu yfirfarnar til að fyrirbyggja að slíkt atvik gæti komið upp aftur.

Okkur þykir mjög miður að þetta hafi gerst og er aðilum máls vottuð hluttekning. Minnt er á að sýna virðingu og umhyggju í umræðu og umfjöllun.

Sveitarfélagið mun ekki tjá sig frekar um málið.

Fyrir hönd hjúkrunarheimilisins Grenilundar,

Þröstur Friðfinnsson, sveitarstjóri

Fjóla V. Stefánsdóttir, forstöðumaður Grenilundar