Tjaldsvæðið yfirfullt

Mynd tekin undir miðnættið, föstudagskvöld 1. ágúst.

Tjaldsvæðið á Grenivík er orðið yfirfullt og nokkuð komið á túnið við hliðina.

Hætt er við að reyni á innviðina s.s. snyrtingar og ruslagáma.

Vinsamlegast látið vita í afgreiðslu sundlaugar ef vantar pappír á snyrtingar.  Einnig er bent á að snyrtingar eru opnar allan sólarhringinn niður við Útgerðarminjasafn/Gömlu bryggju.

Við þvottaplanið þar við hliðina er hægt að losa klóset húsbíla/hjólhýsa.

Ef ruslagámar á tjaldsvæði fyllast má setja í gámana upp við skólann, ofan innkeyrslu inn á tjaldsvæðið.

Leiksvæði er við skólann og leikvöllur við Túngötu, við hlið Grenilundar, á honum er hoppubelgur.

Vinsamlegast gangið fallega um og njótið dvalarinnar.

Velkomin til Grenivíkur.