Sveitarstjórnarfundur nr. 534

26.01.2026 00:00

Sveitarstjórnarfundur nr. 534

Mánudaginn 26. janúar 2026, kom sveitarstjórn Grýtubakkahrepps saman til fundar á skrifstofu hreppsins að Túngötu 3 á Grenivík. Eftirtaldir sveitarstjórnarfulltrúar voru mættir; Gísli Gunnar Oddgeirsson, Þorgeir Rúnar Finnsson, Fjóla V. Stefánsdóttir, Gunnar B. Pálsson og Inga María Sigurbjörnsdóttir. Einnig sat sveitarstjóri fundinn.

Fundurinn hófst kl. 16:00.

Gjörðir fundarins voru þessar:

  1. Fundargerð stjórnar Sambands ísl. sveitarfélaga, dags. 12. des. 2025.

Fundargerð lögð fram.

  1. Fundargerð stjórnar SSNE, dags. 8. jan. 2026.

Fundargerð lögð fram.

  1. Fundargerðir loftslagshóps SSNE, dags. 19. nóv. og 11. des. 2025.

Fundargerðir lagðar fram.

  1. Fundargerð 103. afgreiðslufundar SBE, dags. 12. des. 2025.

Fundargerð lögð fram.

  1. Skipulagsmál.

a. Breyting deiliskipulags v. Ægissíðu 10.

Fyrir fundi liggur erindi þar sem lóðarhafi Ægissíðu 10 á Grenivík óskar eftir breytingu á deiliskipulagi. Óskað er m.a. eftir eftirfarandi breytingum á skilmálum lóðarinnar; Stækkun á byggingarreit, aukið nýtingarhlutfall og bygging á bílskýli 2m út fyrir byggingarreit, að lóðin verði áfram óskipt, en í deiliskipulagi var gert ráð fyrir möguleika á að skipta lóðinni í tvær lóðir.

Sveitastjórn samþykkir að gerð verði breyting á deiliskipulagi til samræmis við erindið. Er breytingin óveruleg skv. 2. mgr. 43. gr. skipulagslaga nr. 123/2010 og vísar sveitarstjórn erindinu í grenndarkynningu skv. 44. gr. laganna.

  1. Frá SSNE, drög að loftslagsstefnu SSNE lögð fram, dags. 20. jan. 2026.

Erindi lagt fram. Sveitarstjórn samþykkir stefnuna fyrir sitt leyti.

  1. Frá SSNE, boð á fundinn „Velferð og vá“, haldinn 3. mars 2026.

Erindi lagt fram.

  1. Frá Ráðgjafar- og greiningarstöðinni, boð á vorráðstefnuna „Sköpum tækifæri“, haldin 7. – 8. maí 2026.

Erindi lagt fram.

  1. Erindi frá Fornleifastofnun Íslands, skráning fornminja á Látraströnd, dags. 10. jan. 2026.

Erindi lagt fram. Sveitarstjórn samþykkir að standa að umsókn til Fornminjasjóðs vegna verkefnisins. Hlutur sveitarfélagsins getur orðið allt að 1,5 milljónir króna. Áður samþykkt með tölvupóstum.

  1. Reglur um afslátt af fasteignaskatti 2026.

Sveitarstjórn staðfestir reglur um afslátt af fasteignaskatti hjá Grýtubakkahreppi árið 2026. Viðmiðunarfjárhæðir launa hækka um 7% frá fyrra ári, til samræmis við hækkun á launavísitölu. Reglurnar verða birtar á heimasíðu sveitarfélagsins.

 

Fleira ekki tekið fyrir, fundargerð lesin upp og samþykkt. Fundi slitið kl. 17:56.

Fundargerð ritaði Þorgeir Rúnar Finnsson.

 

 

Til baka