Sveitarstjórnarfundur nr. 528

Sveitarstjórnarfundur nr. 528

Mánudaginn 27. október 2025, kom sveitarstjórn Grýtubakkahrepps saman til fundar á skrifstofu hreppsins að Túngötu 3 á Grenivík. Eftirtaldir sveitarstjórnarfulltrúar voru mættir; Gísli Gunnar Oddgeirsson, Þorgeir Rúnar Finnsson, Gunnar B. Pálsson, Inga María Sigurbjörnsdóttir og Svala Fanney Snædahl Njálsdóttir sem sat fundinn í fjarveru Fjólu V. Stefánsdóttur. Einnig sat sveitarstjóri fundinn.

Fundurinn hófst kl. 16:00.

Gjörðir fundarins voru þessar:

1. Skipulagsmál – endurskoðun aðalskipulags Grýtubakkahrepps.

Árni Ólafsson, arkítekt, og Arnar Ólafsson, skipulagsfulltrúi SBE, mættu á fund sveitarstjórnar. Farið var yfir drög að skipulagslýsingu vegna endurskoðunar aðalskipulags Grýtubakkahrepps. Er þar með formlega hafin vinna við endurskoðun aðalskipulags Grýtubakkahrepps.

2. Fundargerð stjórnar Sambands ísl. sveitarfélaga, dags. 10. okt. 2025.

Fundargerð lögð fram.

3. Fundargerð stjórnar Hafnasamlags Norðurlands, dags. 15. okt. 2025.

Fundargerð lögð fram.

4. Fundargerð 101. afgreiðslufundar SBE, dags. 17. okt. 2025.

Fundargerð lögð fram.

5. Frá Gæða- og eftirlitsstofnun velferðarmála, gæðavísar, umsagnarferli, dags. 21. okt. 2025.

Erindi lagt fram.

6. Barnaverndarsamningur, gildir frá 1. desember 2025, fyrri umræða.

Farið yfir samninginn. Vísað til síðari umræðu.

7. Fjárhagsáætlun Grýtubakkahrepps 2026 – 2029, fyrri umræða, framhald.

Rætt um álagningarprósentur, fjárfestingaáætlun og gjaldskrár. Fyrri umræðu lokið.

Fleira ekki tekið fyrir, fundargerð lesin upp og samþykkt. Fundi slitið kl. 19:28.

Fundargerð ritaði Þorgeir Rúnar Finnsson