Sveitarstjórnarfundur nr. 524

18.08.2025 00:00

Sveitarstjórnarfundur nr. 524

Mánudaginn 18. ágúst 2025, kom sveitarstjórn Grýtubakkahrepps saman til fundar á skrifstofu hreppsins að Túngötu 3 á Grenivík. Eftirtaldir sveitarstjórnarfulltrúar voru mættir; Gísli Gunnar Oddgeirsson, Þorgeir Rúnar Finnsson, Fjóla V. Stefánsdóttir, Gunnar B. Pálsson og Inga María Sigurbjörnsdóttir. Einnig sat sveitarstjóri fundinn.

Fundurinn hófst kl. 16:00.

Gjörðir fundarins voru þessar:

  1. Fundargerð 98. afgreiðslufundar SBE, dags. 14. júlí 2025.

Fundargerð lögð fram. Í lið 1 er Heimi Ásgeirssyni veitt byggingarheimild vegna niðurrifs á einbýlishúsi á lóðinni Ægissíða 10 á Grenivík. Í lið 2 er samþykkt umsókn Pharmarctica ehf. um breytingu á áður samþykktum teikningum viðbyggingar við iðnaðarhúsnæði á lóðinni Lundsbraut 2 á Grenivík.

  1. Erindi frá Sýslumanni Nle., stækkun tímabundins áfengisleyfis á Grenivíkurgleði, dags. 17. júlí 2025.

Sveitarstjórn gerir ekki athugasemd við stækkum leyfisins. Áður samþykkt með tölvupóstum.

  1. Frá Velferðarsviði Akureyrarbæjar, skipun áheyrnarfulltrúa, dags. 24. júní 2025.

Sveitarstjórn felur sveitarstjóra að fara með málefni sveitarfélagsins er varðar áheyrnarfulltrúa í velferðarráði Akureyrarbæjar og að koma á, í samstarfi við samstarfssveitarfélögin, föstu skipulagi á tilnefningu hins sameiginlega áheyrnarfulltrúa hverju sinni. Sveitarstjórn verði gert kunnugt um skipulagið og nafn hins sameiginlega áheyrnarfulltrúa þegar það liggur fyrir.

  1. Erindi frá Jónu Imsland, vindorka – eyðilegging Íslands, dags. 11. júlí 2025.

Erindi lagt fram.

  1. Frá Þúfunni áfangaheimili, styrkbeiðni, dags. 16. júlí 2025.

Erindi hafnað.

  1. Frá söngfélaginu Sálubót, styrkbeiðni vegna utanferðar, dags. 12. ágúst 2025.

Erindi hafnað.

  1. Frá umhverfis-, orku- og loftslagsráðuneyti, Umhverfisþing, haldið 15.-16. sept. 2025.

Erindi lagt fram.

  1. Boð á aðalfund Túns ehf., haldinn 26. ágúst 2025.

Erindi lagt fram.

  1. Erindi frá Pawel Zadkowski, kynning hugmynda um samfélags- og ferðamála-miðstöð, dags. 12. ágúst 2025.

Erindi lagt fram. Sveitarstjóra falið að vinna málið áfram í takt við umræður á fundinum.

  1. Erindi frá Eddu Björnsdóttur og Sigþóri H. Guðnasyni, staðsetning geymsluskúrs, dags. 15. ágúst 2025.

Erindi vísað til byggingarfulltrúa.

Fleira ekki tekið fyrir, fundargerð lesin upp og samþykkt. Fundi slitið kl. 18:21.

 

Fundargerð ritaði Þorgeir Rúnar Finnsson.

Til baka