Sveitarstjórn

Sveitarstjórnarfundur nr. 255

Mánudaginn 7. janúar 2013 kom sveitarstjórn Grýtubakkahrepps saman til fundar á skrifstofu Grýtubakkahrepps. Allir sveitarstjórnarmenn mættir ásamt sveitarstjóra. Fundurinn hófst kl 17:00.

 Gjörðir fundarins voru þessar:

1. Leiga á landi Grýtubakkahrepps fyrir hrossabeit. Sveitarstjóra falið að auglýsa leigu á landi til hrossabeitar þ.s. núverandi leigusamningar eru útrunnir.

2. Drög að samþykkt um sameiginlega byggingarnefnd Eyjafjarðar. Sveitarstjórn samþykkir samþykktirnar fyrir sitt leyti.

3. Fjármögnun á íbúðum að Höfðagötu 1 á Grenivík. Samþykkt að óska eftir láni frá Íbúðalánasjóði sem nemur 80% af framkvæmdakostnaði.

4. Drög að samþykktum fyrir Grýtubakkahrepp. Fyrri umræðu lokið.

Fleira var ekki tekið fyrir, fundargerð lesin upp og samþykkt.
Fundi slitið kl. 20:30.