Sveitarstjórn

02.02.2009 00:00

Hreppsnefndarfundur nr. 175

Mánudaginn 2. febrúar 2009 kom hreppsnefnd Grýtubakkahrepps saman til fundar á skrifstofu Grýtubakkahrepps. Allir hreppsnefndarmenn mættir ásamt sveitarstjóra. Fundurinn hófst kl. 17:00.

Gjörðir fundarins voru þessar:

1. Fundargerð fræðslu- og æskulýðsnefndar frá 4. desember 2008. 
Fundargerðin samþykkt.

2. Fundargerð stjórnar Eyþings frá 16. janúar 2009.
Lögð fram.

3. Fundargerð heilbrigðisnefndar Norðurlandssvæðis eystra frá
22. janúar 2009.

Lögð fram.

4. Fundargerð byggingarnefndar Eyjafjarðar frá 18. desember 2008.
Lögð fram.

5. Tölvupóstur frá Pálma R. Pálmasyni dags. 25. janúar 2009.
Er hann að fara fram á að vera leystur undan lóðarleigusamningi að Sunnuhlíð 9 á Grenivík. Afgreiðslu frestað.

6. Afrit af bréfi frá Bændasamtökum Íslands dags. 16. janúar 2009.
Fjallar bréfið um bótarétt vegna framkvæmda í almannaþágu og framkvæmd eignarnáms. Er verið að boða fund um málefnið. Lagt fram.

7. Þriggja ára áætlun Grýtubakkahrepps 2010-2012.
Samstæða:

Í þús. kr.                      2010                  2011                 2012
Rekstrartekjur            267.812             275.726           283.878
Rekstrargjöld             259.553             266.897           274.312
Fjármagnsliðir              -4.824                 -4.481              -4.145
Rekstrarniðurstaða       3.435                  4.348                5.421
Fjárfestingar                 15.000                17.000             17.100

Síðari umræðu lokið.  Þriggja ára áætlun samþykkt.

8. Aðalfundur Landssamtaka landeigenda á Íslandi (LLÍ)
20. febrúar 2009.
Lagt fram.  Samþykkt að sveitarstjóri sæki fundinn fyrir hönd Grýtubakkahrepps.

9. Samþykkt um gatnagerðargjald á Grenivík í Grýtubakkahreppi.
Lögð fram drög til síðari umræðu.  Drögin samþykkt með smávægilegum breytingum.

10. Tölvupóstur frá Héraðsnefnd Eyjafjarðar frá 29. janúar 2009.
Nú hefur ríkið ákveðið að setja 33 mkr. til byggingarframkvæmda við framhaldsskólann í Ólafsfirði og 45 mkr. til starfsdeildar VMA. Ríkið greiðir 60% og sveitarfélögin 40%. Hlutur Grýtubakkahrepps vegna þessa 2009 eru kr. 387.072,-.  Kostnaðarþátttaka Grýtubakkahrepps sbr. framangreint samþykkt enda rúmast upphæðin innan fjárhagsáætlunar.

Fundargerðin lesin upp og samþykkt. Fundi slitið kl. 19:50.

Fundargerð ritaði Jón Helgi Pétursson