Sveitarstjórn

Hreppsnefndarfundur nr. 174

Mánudaginn 19. janúar 2009 kom hreppsnefnd Grýtubakkahrepps saman til fundar á skrifstofu Grýtubakkahrepps. Allir hreppsnefndarmenn mættir ásamt sveitarstjóra. Fundurinn hófst kl. 17:00.

Gjörðir fundarins voru þessar:

1. Aðalskipulag.
Árni Ólafsson kom á fundinn. Farið var yfir og unnið í ýmsum þáttum aðalskipulags.

2. Bréf frá Félagi tónlistarskólakennara dags. 6. janúar 2009.
Í bréfinu kemur fram ályktun um stöðu tónlistarskólanna í landinu. Lagt fram.

3. Tölvupóstur frá Alfreð Pálssyni dags. 14. janúar 2009.
Er hann að fara fram á að lóðaleigusamningur að Sunnuhlíð 7 verði fluttur yfir á móður hans Sigríði Guðmundsdóttur. Erindið samþykkt.

4. Staða atvinnulífsins.
Sveitarstjóri fór yfir stöðu atvinnulífsins í Grýtubakkahreppi en hún hefur haft samband við forstöðumenn margra fyrirtækja í sveitarfélaginu til að kanna stöðu mála. Almennt séð er ástand atvinnulífs í þokkalegu horfi þó nokkuð sé það misjafnt eftir aðilum.

5. Þriggja ára áætlun Grýtubakkahrepps 2010-2012. 
Fyrri umræðu lokið.

6. Bréf frá nokkrum íbúum í leiguhúsnæði Grýtubakkahrepps dags. 7. janúar 2009.
Eru þeir að koma á framfæri óánægju sinni varðandi hækkun á leigu og hússjóði undanfarna mánuði en leiga og hússjóður eru tengd visitölu neysluverðs. Sveitarstjóra falið að afla frekari upplýsinga og svara erindinu.

7. Drög að samþykkt um gatnagerðargjald á Grenivík í Grýtubakkahreppi. 
Fyrri umræðu lokið.

8. Tillaga að breytingu á aðalskipulagi Svalbarðsstrandarhrepps
2008-2020 - Efnisvinnslusvæði í landi Sigluvíkur.
Sveitarstjórn gerir ekki athugasemd við breytinguna.

Fleira var ekki tekið fyrir, fundargerð lesin upp og samþykkt.
Fundi slitið kl. 20:00.

Jón Helgi Pétursson ritaði fundargerð.