Sveitarstjórn

Hreppsnefndarfundur nr. 159

Mánudaginn 2. júní 2008 kom hreppsnefnd Grýtubakkahrepps saman til fundar á skrifstofu Grýtubakkahrepps.  Mættir voru Ásta F. Flosadóttir, Benedikt Sveinsson, Fjóla Stefánsdóttir og Jóhann Ingólfsson.  Jón Helgi Pétursson var fjarverandi en í hans stað sat Jenný Jóakimsdóttir fundinn.  Ásta ritaði fundargerð.  Einnig sat sveitarstjóri fundinn sem hófst kl. 17:00.

Gjörðir fundarins voru þessar:

1. Fundargerð landbúnaðarnefndar Grýtubakkahrepps frá 30. maí 2008.
Nefndin leggur til að leyft verði að sleppa fé á afrétt 4. júní, en hrossasleppingar verði leyfðar 1. júlí.  Fundargerðin samþykkt. 

2. Fundargerð byggingarnefndar Eyjafjarðar frá 6. maí 2008.
Í lið 1 sækir Jóhann Svanur Stefánsson um leyfi til að byggja sumarhús á lóð nr. 1 í landi Áshóls í Grýtubakkahreppi.  Sveitarstjórn samþykkir lið nr. 1 fyrir sitt leyti.

3. Fundargerð héraðsráðs Eyjafjarðar frá 13. maí og 28. maí 2008.
Lagt fram.

4. Aðalfundur Atvinnuþróunarfélags Eyjafjarðar 11. júní 2008.
Samþykkt að sveitarstjóri fari með umboð Grýtubakkahrepps á fundinum.

5. Bréf frá Gísla Sigurgeirssyni, kvikmyndagerðarmanni, dags. 9. maí 2008.
Er hann að sækja um styrk vegna kvikmyndagerðar í Fjörðum. Sveitarstjórn tekur jákvætt í erindið og finnst verkefnið áhugavert.  Samþykkt að beina erindinu til Sæness ehf.

6. Erindi frá Aflinu, systursamtökum Stígamóta á Norðurlandi, dags. 10. maí 2008.
Er verið að sækja um styrk vegna reksturs Aflsins. Samþykkt að veita Aflinu 15.000 kr. í styrk. 
  
7. Bygging félagslegra íbúða.
Samþykkt að sveitarfélagið hefji undirbúning byggingar félagslegra íbúða.  Sveitarstjóra falið að vinna í málinu. 

8. Drög að innkaupareglum fyrir Grýtubakkahrepp.
Afgreiðslu frestað.

9. Drög að samningi um stofnanaþjónustu fyrir aldraða.
Samningurinn veitir íbúum Svalbarðsstrandarhrepps og gamla Hálshrepps í Þingeyjarsveit aðgang að Grenilundi og hafa fyrrnefnd sveitarfélög sama aðgangsrétt og íbúar Grýtubakkahrepps.  Lagt fram.

10. Tjaldsvæði.
Rætt um aðstöðuna á tjaldsvæðinu. 

11. Bréf frá Björgunarsveitinni Ægi dags. 16. maí 2008.
Er verið að sækja um styrk í formi niðurfellingar leigu á húsnæði skólans vegna hátíðarhalda í tilefni sjómannadagsins.
Samþykkt að veita umbeðinn styrk.

12. Erindi frá heilbrigðisnefnd Norðurlands eystra;
drög að samþykkt um hesthús og önnur gripahús í skipulögðum búfjárhverfum á starfssvæði heilbrigðisnefndar Norðurlands eystra. Sveitarstjórn samþykkir drögin fyrir sitt leyti.

13. Aðalskipulag Svalbarðsstrandarhrepps 2008-2020.
Athugasemdafrestur er til 26. júní 2008.  Afgreiðslu frestað.

14. Önnur mál.
Engin.

Fundi slitið kl. 20.30.