Samfélagssáttmáli og fleiri mál

Nú þegar baráttan við Covid-19 veiruna virðist á lokametrunum, er afar mikilvægt að halda vöku sinni.  Almannavarnir kynna til leiks samfélagssáttmála.  Til að okkur gangi vel áfram ættu allir að reyna að fylgja honum.

Við stígum nú skref í átt að fyrra samfélagi, skólar að færast nær venjulegri starfsemi og skrifstofa sveitarfélagsins hefur opnað á ný, sömuleiðis bókasafnið.  Heimsóknir eru nú heimilar á Grenilund eftir ströngum reglum, athugið þær hér.

Við bíðum eftir leiðbeiningum um opnun sundlaugarinnar, getum vonandi birt frétt um það á allra næstu dögum.

Samkvæmt opinberum tölum er ástandið óvíða betra en hér, lágmarks atvinnuleysi og fáir á hlutabótaleið.  Stöndum saman áfram, styðjum hvert annað og virðum samfélagssáttmálann.