Rafmagnshlaupahjól - það gilda reglur

Tryggjum öryggi barna og leiðbeinum þeim í umfeðrinni

Undanfarið hefur nokkuð borið á akstri barna á rafmagnshlaupahjólum á götum Grenivíkur.  Þetta getur skapað mikla hættu fyrir börnin sem geta farið á þó nokkrum hraða um svæðið.

Af þessu tilefni er rétt að brýna fyrir foreldrum að um þessi tæki gilda reglur sem er að finna á vef Samgöngustofu.  Það er á ábyrgð foreldra að fylgjast með börnunum og sjá til þess að þau fylgi reglum og fari sér ekki að voða. 

Rétt að tæpa á helstu atriðum;

• Bannað er að vera á rafmagnshlaupahjólum á götum
• Skylda að vera með hjálm
• Sérstaka aðgæslu þarf að sýna þegar farið er yfir götur og einnig á gangstéttum og stígum

Að öðru leyti gilda sömu reglur og um reiðhjól, m.a. um ljósabúnað/glitmerki.

Foreldrar, vinsamlegast takið á þessum málum áður en alvarleg slys hljótast af.