Höfðinglegar gjafir

Ægir Jóhannsson frá Gjögri, Þorsteinn Harðarson frá Frosta, Fjóla V. Stefánsdóttir forstöðumaður Grenilundar og Jenný Jóakimsdóttir frá Hlín.

Grenilundi hafa í haust borist afar höfðinglegar gjafir.

Úgerðarfélögin Gjögur hf. og Frosti ehf. ásamt kvenfélaginu Hlín, hafa komið færandi hendi og kostað kaup á blöðruskanna, sjúkradýnum og fleiru.

Blöðruskanni er ómskoðunartæki sem mælir magn þvags í þvagblöðru án þess að setja upp þvaglegg. Hann hjálpar til við að greina þvagteppu og hvort blaðran tæmist nægilega vel. Notkun blöðruskanna minnkar sýkingarhættu og getur komið í veg fyrir sjúkrahúsinnlagnir.

Það er heimilinu ómetanlegt að eiga slíka bakhjarla að og eru þessum aðilum færðar alúðar þakkir fyrir.