Sveitarstjórnarfundur nr. 457

30.05.2022 00:00

Mánudaginn 30. maí 2022, kom sveitarstjórn Grýtubakkahrepps saman til fundar á skrifstofu hreppsins að Túngötu 3 á Grenivík.

Fyrsti fundur nýrrar sveitarstjórnar, eftirtaldir sveitarstjórnarfulltrúar mættir; Gísli Gunnar Oddgeirsson, Þorgeir Rúnar Finnsson, Fjóla V. Stefánsdóttir, Gunnar B. Pálsson og Inga María Sigurbjörnsdóttir. Einnig sat sveitarstjóri fundinn.

Fundurinn hófst kl. 17:00.

Gjörðir fundarins voru þessar:

  1. Kjör oddvita og varaoddvita.

Fjóla Valborg Stefánsdóttir, starfsaldursforseti sveitarstjórnar, stýrði kjöri oddvita og varaoddvita. Gísli Gunnar Oddgeirsson var kjörinn oddviti sveitarstjórnar á þessu kjörtímabili og Þorgeir Rúnar Finnsson kjörinn varaoddviti sveitarstjórnar.

  1. Fundargerðir kjörstjórnar Grýtubakkarhepps, dags. 29.apríl 2022, 4. maí 2022, 14. maí 2022 og 24. maí 2022.

Fundargerðir lagðar fram og staðfestar.

  1. Skýrsla kjörstjórnar skv. 119. gr. kosningalaga nr. 112/2021, dags. 14. maí 2022.

Skýrsla lögð fram.

  1. Ráðing sveitarstjóra.

Oddviti og sveitarstjóri skrifuðu undir ráðningarsamning til loka kjörtímabils. Sveitarstjórn staðfesti framlagðan ráðningarsamning við Þröst Friðfinnsson.

  1. Kosning fulltrúa á Landsþing Sambands ísl. sveitarfélaga.

Fjóla V. Stefánsdóttir er kjörinn fulltrúi sveitarfélagsins á þingið og Gísli Gunnar Oddgeirsson til vara.

  1. Skipulagsmál.

a. Lóðarumsókn, Höfðagata 11, framhald umræðu.

Kara Eik Sigþórsdóttir kt. 030597-3039 sækir um lóðina Höfðagötu 11 til byggingar á íbúðarhúsi.

Sveitarstjórn samþykkir að úthluta lóðinni til Köru. Þar sem lóðin er hluti lands sem er bundið erfðafestuleigu, er sveitarstjóra falið að ganga frá innlausn hennar og gera síðan lóðarleigusamning við Köru þegar innlausn er frágengin.

b. Aðalskipulag Grýtubakkahrepps.

Rætt um aðalskipulag Grýtubakkahrepps 2010-2022. Komið er að endurskoðun aðalskipulags og voru ræddar leiðir í þeim efnum. Umræðu frestað.

  1. Fundargerð fræðslu- og æskulýðsnefndar, dags. 19. maí 2022.

Fundargerð lögð fram.

  1. Fundargerð landbúnaðar- og umhverfisnefndar, dags. 26. maí 2022.

Fundargerðin lögð fram. Tillögur nefndarinnar um upprekstrardaga eru svohljóðandi:

  1. Landbúnaðar- og umhverfisnefnd sammælist um að upprekstrardagur sé miðaður við 10. júní. Nefndin leggur til við sveitarstjórn að heimilt verði að sleppa fé í ógirt heimalönd og almenninga Grýtubakkahrepps 10. júní.

Bændur eru hvattir til að gæta hófs við upprekstur og sleppingar og að bændur láti vita sín á milli hvenær þeir hyggist fara með fé sitt hvort heldur sem er rekstur eða keyrslu svo þeir séu ekki að fara á sama tíma.

  1. Leyfilegt verður að sleppa hrossum á afrétt frá og með 1. júlí og verða þau að vera komin af afrétt í siðasta lagi 31. ágúst.

Sveitarstjórn staðfestir tillögurnar.

  1. Frá nefndasviði Alþingis, mál til umsagnar, Byggðaáætlun 2022 - 2036.

Erindi lagt fram.

  1. Rekstur Grýtubakkahrepps, staða og horfur.

Sveitarstjóri fór yfir rekstur og stöðu á fjármálum sveitarfélagsins.

 

Fleira ekki tekið fyrir og fundargerð lesin upp og samþykkt. Fundi slitið kl. 20:50.

Fundargerð ritaði Þorgeir Rúnar Finnsson.

Til baka