Grenivíkurskóli auglýsir eftir sérkennara

Grenivíkurskóli auglýsir eftir sérkennara, iðjuþjálfa eða þroskaþjálfa.

Laus er 80-100% staða við Grenivíkurskóla frá 1. ágúst 2018. Starfið felur í sér stuðning við nemendur inni í bekkjum, bekkjarkennslu, víðtæka aðstoð við einstaka nemendur, foreldra og kennara.

Hæfniskröfur
• Hæfni í mannlegum samskiptum.
• Faglegur metnaður.
• Menntun (eða reynsla) í sérkennslufræðum eða þroskaþjálfun/iðjuþjálfun æskileg. 
• Áhugi á að vinna með börnum og unglingum sem eiga í erfiðleikum með nám eða félagsleg samskipti.

Í Grenivíkurskóla eru rúmlega 50 nemendur í 1. – 10. bekk. Í skólanum er góður starfsandi þar sem leitast er við að haga skólastarfinu í sem fyllsta samræmi við eðli og þarfir nemenda og stuðla að alhliða þroska hvers og eins. Meðal þess sem við leggjum ríka áherslu á er lýðheilsa og umhverfismennt.

Grýtubakkahreppur er 370 manna sveitarfélag við austanverðan Eyjafjörð, um 30 mínútna akstur frá Akureyri. Grýtubakkahreppur er fallegt og snyrtilegt sveitarfélag í fögru umhverfi. Þar er góð þjónusta og gott félags- og íþróttastarf. Sveitarfélagið er ákjósanlegur staður til að búa í, ekki síst fyrir fjölskyldu- og barnafólk.
Nánari upplýsingar má finna á heimasíðu hreppsins, grenivik.is

Umsóknarfrestur er til 15. júní 2018, umsóknum skal skila á skrifstofu Grýtubakkahrepps, Túngötu 3, 610 Grenivík eða á tölvupóstfang sveitarstjóra: sveitarstjori@grenivik.is 
Nánari upplýsingar gefur Ásta F. Flosadóttir skólastjóri í síma 414 5400 eða í tölvupósti asta@grenivikurskoli.is
Nánari upplýsingar um skólann má finna á www.grenivikurskoli.is