Úr skólalífinu

20.08.10, 15:06

Ólína Helga jr. 4 ára

Afmæli dagsins!

Ólína Helga er afmælisbarn dagsins og er orðin 4 ára. Innilega til hamingju með daginn kæra vinkona og megi framtíðin verða þér björt og heillarík.

Eftir hádegið í gær var farin berjaferð upp í Reiðsundið þar sem bláber voru tínd í dollur og nesti borðað í guðsgrænni náttúrunni. Frábær ferð og í dag bökuðu krakkarnir bláberjapæ og fengum við að sjálfsögðu öll að smakka á góðgætinu. -það gekk nú misjafnlega vel í fólkið... sumum finnst miklu betra að borða berin beint af lynginu :)

Það má sjá myndir úr berjaferðinni og fleiri skemmtilegar myndir á MYNDASÍÐUNNI OKKAR.

Það var hjóladagur á miðvikudaginn og mættu allir með einhverskonar hjól þann daginn. Skemmtilegur dagur og alltaf gaman að fá að prófa hvert hjá öðru.

Í dag er Ásdís Hanna að hætta hjá okkur og er að fara til Reykjavíkur þar sem hún sest á skólabekk til að læra leikskólakennarafræði. Takk fyrir sumarið og gangi þér vel :)

Góða helgi og takk fyrir vikuna :):)

Úr skólalífinu

13.08.10, 14:52

Afmælisbörn dagsins :)

Afmæli afmæli!

Í dag héldum við upp á afmæli Sigurlaugar Birnu og Jóhanns Kára en þau áttu bæði afmæli á meðan við vorum í fríinu.

Hún varð 2 ára þ. 16. júlí og hann varð 2 ára þ. 22. júlí. Við óskum þeim hjartanlega til hamingju með afmælin og óskum þeim bjartrar framtíðar :)

Það var ótrúlega gott veður í morgun, úrhelli en svo hlýtt að við áttum sérstaklega góða útiveru og allir mjög ánægðir, blautir og skítugir!!

Það má sjá myndir hér á MYNDASÍÐUNNI OKKAR.

Í dag er föstudagur og Grenivíkurgleðin að byrja. Við þökkum fyrir góða viku og óskum öllum til hamingju með helgina og góða skemmun allir!

Úr skólalífinu

11.08.10, 12:25

Afmæli dagsins!

Í dag héldum við upp á afmælið hans Birgis Húna sem er orðinn 2 ára.

Til hamingju með afmælið elsku kallinn og takk fyrir poppið í dag :) Bjarta framtíð og megi allar góðar vættir vaka yfir þér :)