Sveitarstjórnarfundur nr. 281

Sveitarstjórnarfundur nr. 281

Mánudaginn 7. apríl 2014 kom sveitarstjórn Grýtubakkahrepps saman til fundar á skrifstofu Grýtubakkahrepps.
Allir sveitarstjórnarmenn mættir ásamt sveitarstjóra. Fundurinn hófst kl 17:00.

Gjörðir fundarins voru þessar:

1. Ársreikningur Grýtubakkahrepps 2013, seinni umræða. Lagður fram ársreikningur ásamt endurskoðunarskýrslu og staðfestingarbréfi stjórnenda.Helstu niðurstöður eru þessar í þús. kr.

                                           Sveitarsjóður A hluti                        Samstæða

Rekstartekjur alls:                         305.174                                    374.874
Rekstargjöld alls:                          285.659                                    349.388
Fjárm.tek og fjárm.gj:                      7.236                                      -1.157
Rekstarniðurstaða:                         26.751                                      24.330   

Ársreikningur samþykktur og undirritaður.

2. Fundargerð fræðslu- og æskulýðsnefndar frá 27. mars 2014. Fundargerðin samþykkt.

3. Málefni sjávarútvegssveitarfélaga.
      a. Ársreikningur 2013       
      b.  Kynningarbæklingur um vinnuskóla sjávarklasans     
      c.  11. Fundargerð.   
Lagt fram.    

4. Stjórn félags eldri borgara í Grýtubakkahreppi kemur á fundinn. Rætt var um kostnað vegna leikfimi á vegum félagsins. Samþykkt að veita styrk að upphæð kr. 100.000- til félagsins. Fjármögnun verður tekin af handbæru eigin fé.

5. Aðalfundur Sparisjóðs Höfðhverfinga 10. apríl 2014. Samþykkt að sveitarsjóri fari með atkvæði Grýtubakkahrepps á fundinum.

6. Bréf frá 9. og 10. bekk Greinvíkurskóla, dags 24. mars 2014. Fara þau fram á að settur verði flokkunargámur við tjaldstæðið. Einnig finnst þeim vanta rusladalla og dósatunnur á ýmsa staði. Sveitarstjórn þakkar fyrir þarfar ábendingar og felur sveitarstjóra að vinna að úrbótum í samvinnu við nemendur.

7. Bréf frá Hákoni Fannari Ellertssyni, dags 19. febrúar 2014, áður tekið fyrir 24. mars 2014. Sveitarstjórn bendir á að gjaldskrá líkamsræktar hafi verið haldið í lágmarki til hagsbóta fyrir alla íbúa. Gjaldskrá er t.d.mun lægri en hjá sveitarfélögum í kringum okkur sem bjóða upp á sambærilega þjónustu.

8. Tölvupóstur frá Flosa Kristinssyni, dags 3. apríl 2014. Er hann að fara fram á sambærilegan styrk vegna væntanlegrar hitaveitu í Höfða við þann styrk sem gefinn var í sveitinni  þegar hitaveitan var lögð en þá hafði hann  ekki möguleika á að tengjast hitaveitunni. Tengigjald er hærra í dreifbýli en í þéttbýli. Samþykkt að veita styrk sem nemur mismun tengigjalds í dreifbýli og þéttbýli. Fjármögnun verðu tekin af handbæru eigin fé. Ásta vék af fundi undir þessum lið.

9. Vatnsmál á Grenivík. Rætt um stöðu mála varðandi vatnsveitu. Samþykkt að leita ráðgjafar hjá ÍSOR.

Fleira var ekki tekið fyrir, fundargerð lesin upp og samþykkt.Fundi slitið kl. 19:55.