Messað var á Þönglabakka í Þorgeirsfirði sl. sunnudag, en þar er gamall kirkjustaður. Byggð lagðist af í Fjörðum árið 1944 og þá var kirkjan á Þönglabakka lögð af. Þetta er í þriðja sinn sem efnt er til útimessu á Þönglabakka til að minnast búsetu og kristnihalds þar. Um hundrað manns sótti útimessuna í blíðskaparveðri. Flestir komu fótgangandi úr Hvalvatnsfirði en sumir komu sjóleiðina. Sr. Bolli Pétur Bollason í Laufási og sr. Kristján Valur Ingólfsson þjónuðu. Benedikt Kristjánsson söng einsöng. Að athöfn lokinni bauð ferðafélagið Fjörðungur upp á kaffi og nýbakaðar lummur við skálann.

Skrifstofa Grýtubakkahrepps verður lokuð frá 12. júlí til 23. júlí nk. (báðir dagar meðtaldir) vegna sumarleyfa.  Opnum aftur mánudaginn 26. júlí kl. 10:00.
Í neyðartilfellum má hafa samband við sveitarstjóra í síma 864-4504.

                                                 Sveitarstjóri.

Íslenski safnadagurinn í Grýtubakkahreppi sunnudaginn 11. júlí
-fyrir ömmur, afa, mömmur, pabba, börnin, frænkur og frændur-

Gamli bærinn í Laufási
Kl. 13:30 Fjölskyldustund í kirkjunni í umsjón sr. Bolla Péturs Bollasonar.
Kl. 14-16 Upplifðu lífið á 19. öld í burstabæ! Laufáshópurinn glæðir bæinn lífi. Heyskapur, mjólkurvinnsla og fróðleikur um hlunnindi í Laufási.
Kl. 09-18 Þjóðlegar veitingar úr héraði í Gamla presthúsinu

Frítt fyrir börn 15 ára og yngri
Opið daglega kl. 9-18  www.minjasafnid.is s.463 3196, 30 km frá Akureyri.

Útgerðarminjasafnið á Grenivík
Kl. 14:00 Kanntu að beita? Viltu prófa?
Kl. 15:00 Langar þig að smakka rifna þorskhausa? Kíktu í heimsókn!

Frítt fyrir börn 14 ára og yngri.
Opið daglega kl. 13-17  www.grenivik.is s.698 5610, 40 km frá Akureyri.

Húsdýragarðurinn Hléskógum
Viltu klappa kettlingum, kiðlingum og kanínum?
Komdu í heimsókn og sjáðu húsdýrin á bænum.
Opið daglega kl. 13-17 s.463 3112, 34 km frá Akureyri.

Pólarhestar
Viltu bregða þér á bak með fjölskylduna?
Hestaferðir allt frá 1 klst. til dagsferða.
www.polarhestar.is s. 463 3179, 35 km frá Akureyri.