Miðgarðar Grenivík sími 860-9999
   www.midgardar.net
Þegar komið er inn á Grenivík er haldið áfram beint niður sömu götu (Miðgarðaveg) alveg á enda þar sem gistiheimilið er á vinstri hönd.
Hægt er að velja á milli þriggja mismunandi gistimöguleika:
Hamraborgin er nýleg bygging með fjórum stórum herbergjum. Hvert herbergi hefur sér snyrtingu með sturtu. Í hverju herbergi er flatskjár, útvarp og ísskápur.
Miðgarðar er elsta hús Grenivíkur og er það einstök upplifun að gista í þessu húsi. Efri hæð hússins hefur að geyma fimm herbergi og eru tvö rúm í hverju. Á neðri hæð hússins er salerni, sturta, setustofa, eldhús og salur. Neðri hæðin er aðgengileg gestum Hamraborgarinnar.
Í Grenivíkurskóla hafa Miðgarðar sex skólastofur undir svefnpokagistingu til umráða yfir sumartímann sem hægt er að útfæra eftir þörfum. Hægt er að koma allt að tíu manns í hverja stofu. Hentugt fyrir stærri fjölskyldur og hópa. Boðið er upp á dýnur með laki. Á skólasvæðinu er líkamsrækt, sundlaug og sturtuaðstaða, sem og leiksvæði fyrir börn.

Athugið að ekki verður boðið upp á morgunverð þetta sumarið en það er góð eldunaraðstaða á Miðgörðum sem og aðgengi að ísskáp, kaffivél og fleiru.

Ferðaþjónustubýlið Hléskógar
sími 863-3112
  www.hleskogar.is
Hléskógar eru staðsettir við austanverðan Eyjafjörð í Grýtubakka-
hreppi, við þjóðveg 83 í um 20 mínútna akstursfjarlægð frá Akureyri og aðeins 4 mínútna akstursfjarlægð frá Grenivík. Í Hléskógum er boðið upp á gistingu í uppbúnum rúmum og tjaldstæði. Um er að ræða þrjú tveggja manna herbergi með aðgangi að sameiginlegu baðherbergi, setustofu og eldhúsi, ásamt morgunmat. Þessa aðstöðu er hægt að leigja sem íbúð fyrir sex manns. Tjaldstæðið er fyrir framan bæinn og þar er aðgangur að rafmagni og eldunaraðstöðu, auk þess sem tjaldgestir hafa aðgang að húsdýragarðinum sem rekinn er á staðnum.

Tjaldstæði sími 463-3218/893-1887

Tjaldstæðið á Grenivík er við Kirkjuveg, rétt neðan við sundlaug Grýtubakkahrepps og Grenivíkurskóla. Þar er rennandi kalt vatn, snyrting, aðgangur að rafmagni, rólur og sandkassi fyrir börnin, annars er stutt að fara á leiksvæðið við Grenivíkurskóla.
Húsvörður íþróttamiðstöðvar og starfsfólk sundlaugar sér um að þjónusta tjaldstæðið á afgreiðslutíma sundlaugarinnar.
Gjaldskrá tjaldstæðisins er eftirfarandi:
Gjald fyrir hverja einingu (tjald, fellihýsi, hjólhýsi, húsbíll) er kr. 1.000.- fyrir nóttina.
Tekið er 2.000.- kr. gjald fyrir rafmagnsskott sem endurgreiðist við brottför.  
Gestir eru vinsamlegast beðnir um að hafa samband við húsvörð eða starfsfólk sundlaugar við komu á tjaldstæðið.